اس دور میں جینا آسان نہیں ہے
کون ہے جو کسی سے بدگمان نہیں ہے
محبتوں پہ چرھ گۓ حرص کے غلاف
خلوص اب انسان کی پہچان نہیں ہے
ایمان بیچ کر دولت خرید لی
انسان اس دور کا انسان نہیں ہے
بِک جاتی ہے بازاروں میں بیٹی حّوا کی
حیوان ہے گویا انسان نہیں ہے
ضمیر کے بدلے شہرت خرید کر
انسان ذرا بھی پشیمان نہیں ہے
کیا کہوں, کیسے کہوں سمجھ کچھ نہیں آتا
کیا ہمیں خود کی بھی پہچان نہیں ہے
پھرتے ہیں یہاں سارے حرص و ہوس کے پجاری
شاید کوئ بھی صاحبِ ایمان نہیں ہے
بقلم : فاخرہ تبسم
پھول جیسے حسین چہروں پہ
کیوں اُداس آنکھوں میں بےبسی کے
آشک آکر ٹھہر گۓ ہیں
خاموش لب ویران چہرے
بےبسی کانشاں بنے ہیں
یا ہم سے شکوہ کناں ہیں بولو
بتاؤ ان کا قصور کیا ہے
یہ تو قوم کا مستقبل ہیں
اور قوم انہی کوکھو رہی ہے
یہ لُٹے پھٹے حیران بچے
بتاؤ کل یہ کیا بنیں گے
بقلم :فاخرہ تبسم
اٹھو کہ
سوئے ہوے لوگوں
کی تقد یرنہیں بدلا کرتی
جستجو کے رستوں پر
اپنے پاوں کے نقش
اتنے گہرے کر دو
کہ راستے تھک جائیں
اپنی پھیکی قسمت کی لکیروں کو
محنت اور خلوص کی لو دو
کہ خوش قسمتی تمہارا تعاقب کرے
اپنے معبود برحق کے سامنے
سجدہ ریز ہو جاو
کہ وہ اپنا غضب چھوڑ کر
رحمٰن بن جائے
اور تمھاری قسمت میں صرف
خوش قسمتی لکھ دے
جس دیس کی مائیں بچوں کو مغرب کے سبق سکھاتی ہوں جس دیس کی مائیں بچوں کو گانوں کی دُھن پہ سلاتی ہوں جس دیس کی مائیں بچیوں کے فحاشی...
