وسدیاں گھراں دے ویڑیاں دے وچ خوشیاں سونیاں لگدیاں نے
ہاسے چنگے لگ دے نے تےرونقاں سونیاں لگدیاں نے
ماں پیو دی ٹھنڈی چھاواں وچ لڑدے بہن بھراواں وچ
رسن تے مناون دیاں اداواں سونیاں لگ دیاں نے
محبتاں دی ڈوری نال بنے رشتے کنے سونے ہن
نال ایناں دے ہی ساریاں بہاراں سونیاں لگدیاں نے
گڈی پٹولے مٹی دے کھلونے ساڈی سوہنی دنیااے
جیڑیاں ساڈے پینڈ نو جاندیاں او راواں سونیاں لگ دیاں نے
پاویں بوٹے لکھ اگا لو آم امرود دے باغ اگا لو
سانوں اپنی ٹالی دیاں چھاواں سونیاں لگ دیاں نے
شاعری :فاخرہ تبسم
