شاعری: فاخرہ تبسّم
کروڑوں درود کے سلسلے
قربان تجھ پہ آقا میرے
میری سب عقیدتیں ، نگارشیں
قربان تجھ پے آقا میرے
میرے لفظوں کی سب گزارشیں
قربان تجھ پے آقا میرے
تیری شان ہو کیسے بیاں
لفظوں میں وہ سکت کہاں
اے آقاۓ رحمتِ دوجہاں
محبوب خدا،محبوب زماں
تیری ذات ہے نور الھدی
اے خیر البشر ،خیر الوری
جان ودل ہوں تجھ پر فدا
اے شمس الضحی،بدر الدجیٰ
مجھ پر کرم کی انتہا
کہ محشر میں روز جزا
تیری رحمتوں کا ہے آسرا
صد شکر ہوں امتی تیرا
اے نبی احمد مجتبی
اے ختم الرسل صلی علی
کہ تو بےمثل توہےبےمثال
تیرا ذکر لب پہ صلی علی
اے سبز گنبد کے مکیں
اے فخر افلاک وزمین
تو ہی افضل ہے با الیقین
اے رحمت اللعالمین
--
