اپنی دوستوں کے نام❤

 

(اپنی دینی دوستوں کے نام)

🌹جو خوبصورت یادوں کا حصہ ہیں۔🌹

🌸شاعری : فاخرہ تبسم🌸

تمہیں تو یاد ہیں نہ وہ ماضی کے حسیں منظر

جب بیٹھ جاتے تھے کسی کونےمیں سب مل کر

وہی  دین کے جذبے، وہی ایمان کے رستے

نہیں تھا کوئی بھی تعلق مگر اخلاص کے پیکر

وہی چراغوں کی لو میں  پرجوش سی نظمیں

جنہیں سن کر لوگوں کی برستی تھیں جب آنکھیں 

وہی نشانہ بازی کے دلچسپ مقابلےکرنا

ایک منٹ سے پہلے ہتھیار ترتیب دے لینا

وہی پانی میں کنکر پھینک کر  دور پہنچانا

وہی بیٹھ کے پاس تالابوں کے نظمیں سنانا

وہی قہقے، وہی لہجے ،وہی ترانوں کی آوازیں 

وہ بے فکر سے لمحے، وہ بے فکر سی راتیں

وہی بارش میں چھت پر دلکش سے نظارے

وہی سردی کی راتوں میں ٹھٹھرتے تھے جب سارے

وہی لڑ جھگڑ کر پھر سے ایک ہو جانا

وہ بات ہی بات پر یونہی اِترانا

وہ مل کر بیٹھ کر ایک ہی برتن میں  کھانا

کڑی  چاول کی  آمد پر اک جشن  منانا

وہی قرآن کی آوازیں، وہی قنوت کے منظر

اندھیروں کو چیرتی ہوئی وہی اذان فجر

وہی پرسوز سی تقریر سن کر آنکھ کے آنسو

وہی شہید کی ماں کی رقت آمیزسی گفتگو

وہی رونقیں اجتماع کی،وہی حرارت ایمان کی

وہی دل سوز سے منظر،وہی تلاوت قرآن کی

بہت ہی پیچھے چھوڑ آۓ ہیں سبھی لیکن

مگر ہم بھول جائیں سب ایسا تو نہیں ممکن

وہی ایمان کے دیئے جلانے ہیں ہمیں ہر سو

وہی جذبے ،وہی راستے دکھانے ہیں ہمیں ہر سو

وہ مہربان ماں جیسی ایک شفیق سی ہستی

بہت ہی معتبر ہے ہمارے لیۓ ذات جس کی

وہ جس نے ہمیں دنیا کی تاریکی سے نکالا تھا

پکڑ کر انگلی ہماری دین کے راستوں پہ ڈالا تھا

انہیں اپنی دعاؤں میں ہمیشہ یاد تم رکھنا

اک دوجے سے وفاؤں کا جڑا تم سلسلہ رکھنا

کہ جنت کے باغوں میں ہم مل کے   بیٹھیں گے

 کہ اس اگلی دنیا کے مزے ہم مل کے لُوٹیں گے

                              (ان شاءاللہ)

خاموشی بات کرتی ہے

 

خاموشی بات کرتی ہے 

جہاں پر لفظ نہیں ہوتے

خاموشی بات کرتی ہے

کبھی شکوں کی صورت میں 

کبھی جزبوں کی صورت میں 

یہ سوغات کرتی ہے

خاموشی بات کرتی ہے

کبھی مسکراہٹ بن کر

 کئ شکوے مٹاتی ہے

نئے وعدے نبھاتی ہے

کبھی آنسو کی صورت میں

آنکھوں سے امڈتی ہے

کبھی آنکھوں کے راستے سے 

کوئ تحریر چنتی ہے

خاموشی بات کرتی ہے

کبھی معافی کی صورت میں

 چہرے سے جھلکتی ہے

کبھی شرارت بن کر 

لبوں پر مچلتی ہے

کبھی قوس قزا بن کر 

خوشی کا عکس دیتی ہے

کبھی ویران ہوتی ہے

 کبھی حیران ہوتی ہے 

خاموشی بات کرتی ہے

فرار کہاں ممکن

 

ان تلخ حقائق سے فرار کہاں ممکن

بھاگو مگر ان سے انکار کہاں ممکن

اب خوش خیالی میں گزر بسر کرلو

اس مطلبی دنیا میں پیار کہاں ممکن

کہنا اگر چاہو سل جاتے ہیں لب

رقیب زمانہ ہے اظہار کہاں ممکن

جاؤ خود ہی کندھوں پر اٹھا لو بوجھ اپنا

گر کر خود ہی سنبھلو غمخوار کہاں ممکن

ہاتھوں کی لکیروں میں تلاشو نہ قسمت کو

ہو رب پہ بھروسہ تو ہار کہاں ممکن

ملیّ نغمہ

 

اس دیس کی دھرتی پوچھ رہی ہے 

میرے دیس کا کیا حال ہے لوگو

جس دیس کی خاطر پرکھوں نے سب کچھ گنوایا تھا

جس دیس کی خاطر کتنوں نے خون کا دریا بہایا تھا

جس دیس کی خاطر جانے کتنے گھر ویران ہوۓ

جس دیس کی خاطر بے گھر کتنے انسان ہوۓ

اس دیس کی دھرتی پوچھ رہی ہے

میرے دیس کا کیا حال ہے لوگو

بے حال مہاجر لوگوں نے کس طرح سے گھر بساۓ تھے

اجڑے بےبس انسان اس دیس میں دوڑے آۓ تھے

کس طرح سے اس کی مٹی کو چوما آنکھوں سے لگایا تھا

اس دھرتی کی خاطر شہدا نے کس طرح سے لہو بہایا تھا

اس دیس کی دھرتی پوچھ رہی ہے

 میرے دیس کا کیا حال ہے لوگو

جس تہزیب ایمان ویقین کا لوگوں نے پرچار کیا

ایمان کو بچانے کی خاطر کیا کیا نہ اپنا وار دیا

مال ومتاع گھر بار سبھی اس وطن پر قربان کیۓ

اس کی حرمت کی خاطر بیٹے تک قربان کیۓ

اس دیس کی دھرتی پوچھ رہی ہے

 میرے دیس کا کیا حال ہے لوگو

کروڑوں درود کے سلسلے

           شاعری: فاخرہ تبسّم

کروڑوں درود کے سلسلے

قربان تجھ پہ آقا میرے

میری سب عقیدتیں ، نگارشیں

قربان  تجھ  پے  آقا  میرے

میرے لفظوں کی سب گزارشیں

قربان  تجھ  پے  آقا  میرے

تیری شان ہو کیسے بیاں

لفظوں میں وہ سکت کہاں

اے آقاۓ رحمتِ دوجہاں

 محبوب خدا،محبوب زماں

 تیری ذات ہے نور الھدی

اے خیر البشر ،خیر الوری

جان ودل ہوں تجھ پر فدا

اے شمس الضحی،بدر الدجیٰ

مجھ پر کرم کی انتہا

کہ محشر میں روز جزا

تیری رحمتوں کا ہے آسرا

صد شکر ہوں امتی تیرا

اے   نبی   احمد   مجتبی

اے  ختم الرسل صلی علی

کہ تو  بےمثل توہےبےمثال

تیرا ذکر لب پہ صلی علی

اے سبز گنبد کے مکیں

اے فخر افلاک وزمین

تو ہی افضل ہے با الیقین

اے رحمت اللعالمین

--

نعت رسولﷺ

 آرزو ہے یہ میری کہ ہو مدینہ رو برو 

مل جاۓ آنکھوں کو ضیاء ہو جاۓ دل کو سکون

ذندگی کے سفر میں اک سفر ایسا بھی ہو

موندلوں پلکیں میں اپنی ہو مدینہ رو برو 

تمام عمر کی سختیوں کا نہ رہے کچھ بھی گلہ

پا جاؤں خاک مدینہ ہو جاؤں میں سرخرو

وہ ہوائیں جو مدینے کا طواف ہیں کر رہیں

چھو لوں آنکھوں سے اپنی کر لوں ان سے  وضو

جس جگہ میرے نبی نے رکھے تھے اپنے قدم 

ان راستوں  کی خاک کو میں ادب سے چوم لوں

آرزو ہے یہ میری کہ ہو مدینہ رو برو

مل جاۓ آنکھوں کو ضیاء ہو جاۓ دل کو سکون