توکل علی اللہ

بار بار دھونا ہے

ہاتھوں کو صابن سے

اجتناب کرنا ہے

بے سبب ملاقاتوں سے

گوشہ تنہائی میں

خود کو ہے چھپا لینا

جراثیم کُش دواوں سے

گھر کو ہے بچا لینا

اشیاۓ ضرورت کو

دھوپ بھی لگوا لینا

ماسک اور دستانوں کی 

احتیاط بھی ضروری ہے

اور جان بچانے کو

فاصلہ مجبوری  ہے

یہ سب صحیح لیکن

مگر اے اہل ایمان   

اس دنیا ئے فانی  کی 

طےشدہ مسافت میں

آزمائشیں بہت سی ہیں

توکل علی اللہ تو

طاقتِ مسلمان ہے

ڈھال ہے مصیبت میں

رنج اور صعوبت میں

آزمائش کی اس شدت میں

کیوں کمزور پڑتے ہو

کیوں مرنے سے ڈرتے ہو

کیوں ہیں حوصلے توڑے

اور اعصاب کیوں چھوڑے

یقینی، بے یقینی کی

کس کیفیت میں پھرتے ہو

تمہارے پاس ہے اللہ

 تمہارے ساتھ ہے اللہ

خدا کے حکم کے آگے

کچھ بھی ٹک نہیں سکتا

یہ فہم وفراست کی

 دلیلیں مار جاتی ہیں

 احتیاطیں ہار جاتی ہیں

کہ  اس کا حکم نہ ہو

 توپتہ ہل نہیں سکتا 

سانس چل نہیں سکتا

 وہی ہے زندگی دیتا

 وہی ہے جان بھی لیتا

وہی بیمار کرتا ہے

 شفا بھی وہی دیتا ہے

پھر یہ بے بسی کیسی

سہمی زندگی کیسی

توکل کی رسی کو

نہ تم ہاتھ سے چھوڑو

خدا سے رابطہ جوڑو

وہی محافظِ اعلی ہے

وہی سب سے ارفع ہے

اپنے رحمان ہونے کا

ہر پل اظہار کرتا ہے

کہ وہ ماں سے کہیں زیادہ

تم سے پیار کرتا ہے

شاعرہ: فاخرہ تبسم