کروڑوں درود کے سلسلے

           شاعری: فاخرہ تبسّم

کروڑوں درود کے سلسلے

قربان تجھ پہ آقا میرے

میری سب عقیدتیں ، نگارشیں

قربان  تجھ  پے  آقا  میرے

میرے لفظوں کی سب گزارشیں

قربان  تجھ  پے  آقا  میرے

تیری شان ہو کیسے بیاں

لفظوں میں وہ سکت کہاں

اے آقاۓ رحمتِ دوجہاں

 محبوب خدا،محبوب زماں

 تیری ذات ہے نور الھدی

اے خیر البشر ،خیر الوری

جان ودل ہوں تجھ پر فدا

اے شمس الضحی،بدر الدجیٰ

مجھ پر کرم کی انتہا

کہ محشر میں روز جزا

تیری رحمتوں کا ہے آسرا

صد شکر ہوں امتی تیرا

اے   نبی   احمد   مجتبی

اے  ختم الرسل صلی علی

کہ تو  بےمثل توہےبےمثال

تیرا ذکر لب پہ صلی علی

اے سبز گنبد کے مکیں

اے فخر افلاک وزمین

تو ہی افضل ہے با الیقین

اے رحمت اللعالمین

--

نعت رسولﷺ

 آرزو ہے یہ میری کہ ہو مدینہ رو برو 

مل جاۓ آنکھوں کو ضیاء ہو جاۓ دل کو سکون

ذندگی کے سفر میں اک سفر ایسا بھی ہو

موندلوں پلکیں میں اپنی ہو مدینہ رو برو 

تمام عمر کی سختیوں کا نہ رہے کچھ بھی گلہ

پا جاؤں خاک مدینہ ہو جاؤں میں سرخرو

وہ ہوائیں جو مدینے کا طواف ہیں کر رہیں

چھو لوں آنکھوں سے اپنی کر لوں ان سے  وضو

جس جگہ میرے نبی نے رکھے تھے اپنے قدم 

ان راستوں  کی خاک کو میں ادب سے چوم لوں

آرزو ہے یہ میری کہ ہو مدینہ رو برو

مل جاۓ آنکھوں کو ضیاء ہو جاۓ دل کو سکون

نوجوانانِ اسلام کے نام

 🌺نوجوانانِ اسلام کے نام🌺

                     (   شاعری: فاخرہ تبسّم  ✍ )       

بہت سے قرض ہیں تم پر

بہت سے فرض ہیں تم پر

ابھی تم کو چکانے ہیں

ابھی کلمے کی حرمت پر 

کئی جانیں لُٹانی ہیں

ابھی اسلام کی خاطر

بہت سے کام کرنے ہیں

وہ دیکھو بوڑھی سہمی سی آنکھیں 

تمہاری راہ تکتی ہیں 

کہ وہ کشمیر کی وادی 

تمہارا فرض بنتی ہے

جہاد فرض ہے تم پر 

لہو کا قرض بنتی ہے

کہ اپنی ذات سے باہر

گھر جائیداد سے باہر

سامان عیش سے آگے

بہت سے کام کرنے ہیں

کہ تم ہو فخر ملت کا

کہ تم امید ہو سب کی

کہ تم ہو شان بہنوں کی

کہ تم ہو آن ماؤں کی

کہ اپنی قیمتی جانیں

نہ سڑکوں پر گنواؤ تم 

کہ یہ جوش اور جزبے

وطن پر لٹاؤ تم

اسے خوشحال کر دو تم

کفر پامال کر دو تم

میری اس پاک دھرتی کو

بہت امید تم سے ہے

کہیں تم بھول نہ جانا

کہیں تم بھول نہ جانا

              🌺از قلم :  فاخرہ تبسّم🌺🌺

اے بنت حوّا

کہاں چلی

کس سمت ہے

دل ونگاہ

ہے کس طرف 

قدموں کی چاہ

ہے کہاں

 تیری حیا

تیراوقار

ہے کس جگہ

خود ہی سوچ لے

خود ہی جان لے 

پہچان لے

تو انمول ہے 

بے مول ہے

اک پنجابی نظم

وسدیاں گھراں دے ویڑیاں دے وچ خوشیاں سونیاں لگدیاں نے

ہاسے چنگے لگ دے نے تےرونقاں سونیاں لگدیاں نے

ماں پیو دی ٹھنڈی چھاواں وچ لڑدے بہن بھراواں وچ

رسن تے مناون دیاں اداواں سونیاں لگ دیاں نے

محبتاں دی ڈوری نال بنے رشتے کنے سونے ہن

نال ایناں دے ہی  ساریاں بہاراں سونیاں لگدیاں نے

گڈی پٹولے مٹی دے کھلونے ساڈی سوہنی دنیااے

جیڑیاں ساڈے پینڈ نو جاندیاں او راواں سونیاں لگ دیاں نے

پاویں بوٹے لکھ اگا لو آم امرود  دے باغ اگا لو

سانوں اپنی ٹالی دیاں چھاواں سونیاں لگ دیاں نے

شاعری  :فاخرہ تبسم

سانحہ پشاور 16 دسمبر 2014

                                  از قلم : فاخرہ تبسّم✍   

 خاموش رہنا بھی بزدلی ہے

نہ بولنا بھی بے حسی ہے

 آؤ!  اپنے  قلم  اُٹھائیں

خطیب خطابت کے فن دکھائیں

کسی بھی فرقے سے منسلک ہیں

  یک  جہتی  کا  علم  لہرائیں 

معصوم بچوں کی بازگشت کو

چارسو اس طرح پھیلائیں

کہ ہل جائیں دل غاصبوں کے

کانپ اُٹھے روح منافقوں کی

 معصوم بچوں کو ڈرانے والے 

گولیوں کا نشانہ بنانے والے

ایسے   بزدل   قاتلوں   کو

خوف و ہراس کی سولیوں پر

چڑھائیں اس طرح سے مِل کر

کہ عبرت کا ایسا نشان بنیں جو

دنیا  کبھی  نہ  بھلا  سکے  جو

جو میری مٹی جو میری دھرتی

جو میرے لوگوں کی طرف دیکھیں

وہ میلی نظریں ہی چیر ڈالیں

وہ ناپاک آنکھیں ہی پھوڑ ڈالیں

وہ ہاتھ پاؤں ہی کاٹ ڈالیں

آؤں مل کر فرض نبھائیں

دھرتی کا مل کر قرض چکائیں

زندگی   کے   مقاصد   اعلٰی

عام و فہم سے کہیں بلند و بالا

انداز مسلم ہے سب سے نرالا

کرو   اسلام   کا   بول   بالا

سوچ اپنی کو ایمان کی پرواز دو

دلوں  کو  قرآن  کی  آواز  دو

نظر  میں  بھرو  ایسی  رعنائیاں

شان مومن کی  چھلکیں سچائیاں

مومن کا جینا بھی اک شان ہے

اور موت اس سے بھی زیادہ بڑی آن ہے 

💐💐💐

ملی نغمہ

 

 آنسو نہیں اے قوم میری ، ہمت کی ہمیں ضرورت ہے 

"قائد کا ہے فرمان یہی" اتحاد میں قوم کی طاقت ہے

جو وقت ہم پر چھایا ہے کڑا 

وہ وقت سدا نہیں رکنا ہے

ہمیں  اپنے  زورِ  بازو  سے

اس ملک کی طاقت بننا ہے

آنسو نہیں اے قوم میری ، ہمت کی ہمیں ضرورت ہے

"قائد کا ہے فرمان یہی" اتحاد میں قوم کی طاقت ہے،

دشمن  کے  سازشی  ارادے

سب خاک میں مل جائیں گے

جیالے پاک دھرتی کے جب

باطل  سے  ٹکرائیں  گے

آنسو نہیں اے قوم میری ، ہمت کی ہمیں ضرورت ہے

"قائد کا ہے فرمان یہی" اتحاد میں قوم کی طاقت ہے،

امن  کا  پیغام  ہے  ہم 

امن کے دیپ جائیں گے

اپنی  پیاری  دھرتی  سے

ہم  عہدِ وفا  نبھائیں  گے

آنسو نہیں اے قوم میری ، ہمت کی ہمیں ضرورت ہے

"قائد کا ہے فرمان یہی "اتحاد میں قوم کی طاقت ہے

 شاعرہ: فاخرہ تبسم